إحساس صادق.......

ماهي غريبه بالغلا يـوم حسيـت
مع الصراحه كـل قاسـي يلينـي
ابديت لك صدق المشاعر وغنيـت
باحساس صادق وانت حسيت فيني
بنيت لك ابيات ,, وابيات هديـت
وصـورت لـك محبتـن تحتوينـي
على كثر مامعك حاولت واخفيت
تدري أبيك وادري أنـك تبينـي
الحب مثل الخير واضح لا حبيـت
والله يديـم الخيـر بينـك وبينـي
يعني من الله هالغلا يوم لي جيـت
ومن الغلا لاغبت شوقـي يبينـي
لو لا العمد والساس مايثبت البيت
و لو لا الغلا ما كان شالتك عينـي
مديت لي كفك ,, ويمناي مديـت
وانا بدون شعـور جاتـك يمينـي
انا عشانك كل ما قلـت سويـت
يا كثر مـا سويـت والله يعينـي
من زود حبك ,, وانت وياي وفيت
أحس ما خلصـت ويـاك دينـي
أن قلت أبنسى لا تفكر تناسيـت
أشلون ابنسى معك احـلا سنينـي
ارتاح لامن جيت وان كانك اقفيت
تشتاق لمصافـح يدينـك يدينـي
على كثر ماشفت بالعين صديـت
انت الوحيد اللي تناظـرك عينـي

» عندما يأتيك إحساس مفاجئ